Полицајци од СВР Куманово вчера во 12:55 часот го уапсиле Д.П. од село Алгуња, општина Старо Нагоричане, под сомнение дека запалил оган на туѓ имот, од кој избувнал пожар.

„Тој се сомничи дека во село Челопек, општина Старо Нагоричане, запалил сува трева и стрниште и предизвикал пожар во имот сопственост на Г.С.(60) од Куманово, при што биле опожарени дрва“, соопштија од МВР.

Според полицискиот извештај, пожарот бил изгаснат од екипа на Територијалната противпожарна единица Старо Нагоричане, а повредени нема.

„Д.П. бил приведен во полициска станица и по целосно документирање на случајот против него ќе следува соодветна пријава“, се вели во соопштението.

Полицаец цела година сексуално злоставувал 16-годишно момче