Во дом на жител од село во општина Чашка биле пронајдени 60 банкноти од по 2.000 денари, поради што е осомничен за изборен поткуп, соопшти Министерството за внатрешни работи.

Приведени двајца крушевчани за поткуп при гласање

Според информациите на полицијата, во саботата во 8 часот, по претходно добиени оперативни сознанија и со судска наредба од Основниот суд Велес, полицајци од СВР Велес извршиле претрес во домот на 59-годишниот Г.П. од селото Согле, општина Чашка.

При претресот биле пронајдени и одземени 60 банкноти од по 2.000 денари и телефон. Постои сомнение дека станува збор за кривично дело „поткуп при избори“ согласно член 162 од Кривичниот законик.

Уапсен член на избирачки одбор во Чаир – полицијата го привела додека пушел цигара на пауза

За случајот бил известен јавен обвинител од Основното јавно обвинителство Велес, а со осомничениот бил извршен службен разговор. По целосно расчистување на настанот, ќе биде поднесен соодветен поднесок.

Приведени се двајца престапници во Чаир — лажно се претставувале како изборни набљудувачи