15 C
Скопје

Женски приказни: Атина, мораш да го издржиш тоа! Хероjскиот живот на нашата спортска легенда

Нејзиниот живот е мотив за многу  документарни и еден игран филм. Ликот е овековечен во култниот филм „Исправи се Делфина“.

Фото: IMDB / kinopoisk.ru

Атина Бојаџи е жената која беше на речиси секоја насловна страна од југословенските списанија и магазини затоа што ги сруши сите светски рекорди во пливање.

Храбрата охриѓанка, е и единствената жена во светот што го препливала Средоземното Море и застрашувачкиот канал Ламанш. Со овој подвиг таа си ја обезбеди титулата спортист на 20 век.

Родена е на 13 март 1944 година во Охрид и на 11-годишна возраст успева да ги собори сите македонски рекорди во пливање на кратки патеки, во слободен стил, делфин, освојувајќи го првиот Охридски пливачки маратон на 18 годишна возраст.

Прочитајте и...  Џулија Робертс и Џорџ Клуни во улога на разведен пар во новиот хит филм

По завршувањето на маратонската делница Капри-Неапол, истата 1962 година станала и најмладата светска шампионка во маратонско пливање на солени води.

За своите постигнати професионални успеси добила огромен број награди и признанија, златни и сребрени медали и пехари.

 

 

 

 

 

 

 

 

 

 

 

Таа е наша гордост, жена со светска слава, младата девојка со која се гордееше Охрид на првиот Охридски пливачки маратон, жената која беше одликувана со орден за храброст од либанскиот претседател затоа што го преплива Средоземното Море, со Бејрутскиот маратон долг 42 километри, еден од најтешките маратони во светот.

Врвот на нејзината кариера го достигнала со препливување на каналот Ламанш на 9 септември 1969, препливувајќи ја патеката долга 50 километри за 13 часа и 20 минути.

Прочитајте и...  ФОТО | Џеси Џеј е повторно среќна и вљубена: Ова е нејзиното ново момче

Нејзиниот лик е овековечен во култниот филм „Исправи се Делфина“, снимен во 1977 година, а самата Бојаџи соработувала како актер снимајќи дел од сцените.

Маратонската кариера на Атина Бојаџи траела цели 12 години. Со приеми била почестена од претседатели и државници, била примена од претседателот на СФРЈ, Јосип  Броз Тито и од многу други.

Пливачката кариера ја заменила со тренерска, прво во белградскиот клуб „Црвена ѕвезда“, а потоа и во Спортскиот центар „Лос Анџелес“ во САД. По враќањето во Македонија била вклучена во организационите тела на Охридскиот пливачки маратон.

Меѓу бројните награди што  ги добила е наградата  за животно дело од Пливачката федерација на Македонија, ја добила и  наградата „Крсте Петков Мисирков“.

Прочитајте и...  ВИДЕО: Оливера се огласи на Инстаграм, првпат по смртта на Балашевиќ

Во 1998 година Македонскиот олимписки комитет ја овенчува со признанието „Великан на македонскиот спорт“, а во 2000 година дневниот весникот „Утрински весник“ ја прогласува за спортист на векот. Во нејзина чест, спортскиот комплекс кај Билјанини Извори во Охрид го носи нејзиното име.

Атина Бојаџи почина во Скопје на 28 декември,  2010 година, по кратко боледување, на 66- годишна возраст.

Проектот на Музејот на македонска борба „Неколку нијанси женски приказни“, ги величи жените во Македонија од почетокот на 20 век до денес.

Поврзани вести

Доли Партон ја прими вакцината против коронавирусот: Доли доби доза од сопствениот лек

Слободен Печат

ФОТО | Деми Мур повторно непрепознатлива, а обожавателите веднаш реагираа: „Штета, беше убава жена“

Слободен печат

Бојана Јовановска: Сè уште сме општество во кое ќотекот е дисциплинска алатка

Ј.К.Д

Хју Грант ќе глуми негативец во филмот „Dungeons & Dragons“

Слободен Печат

ФОТО | Најубавите микроапартмани: За среќа, доволни се 30 квадратни метри

Слободен печат

НАУЧНИЦИТЕ ФАСЦИНИРАНИ: Морско животно помина когнитивен тест… дизајниран за деца!

В.Т.

Остави Коментар