Земјотрес со јачина од 6,1 степени по Рихтер ја погоди западна Куба во понеделник, потресувајќи ги зградите во Хавана и пошироко, пишува „Вашингтон пост“.

Засега нема информации за повредени или за настанати штети.

Земјотресот се случил на длабочина од 10 километри во водите западно од главниот град, според Геолошкиот завод на САД.

Флавија Пупо, менаџерка во хотелот „Пинар дел Рио“ опишала како зградата се тресела и предизвикала сериозна вознемиреност кај гостите.

Последниот потрес бил почувствуван дури до Флорида. Националната метеоролошка служба во Мајами соопшти во твит дека добила неколку пријави за тресење во југозападниот дел од државата.

Разделната зона Ориенте се наоѓа веднаш до југоисточниот брег на Куба и предизвикала штетни земјотреси во последните векови, вклучувајќи земјотрес со јачина од 7,7 степени во јануари 2020 година во отворени води што предизвика штета на Куба и на Кајманските Острови.

ВИДЕО | Серија земјотреси во Грција, свлечишта затрупаа патишта