Министерството за внатрешни работи на Србија соопшти дека вечерва е пронајдено 15-годишно девојче Дуња Нециќ од Нови Сад, чие исчезнување беше пријавено на 29 април, објавија српските медиуми.

Според соопштението, таа е пронајдена во друштво на 15-годишно момче чие исчезнување беше пријавено и во Нови Сад истиот ден.

Според српските медиуми, девојчето е пронајдено во воз на релација Белград-Петроварадин.

Двајцата се во добра состојба и понатамошната полициска работа е во тек.

Системот „Пронајди ме“ за итно јавно известување во случај на исчезнати деца беше активиран денеска околу 17 часот поради исчезнувањето на девојчето, а системот беше затворен околу 22 часот.