Започнува изградба на дел од патот Горни Дисан-Вешје
Започнува изградба на дел од патот Горни Дисан-Вешје, информираше неготинскиот градоначалник Тони Делков.
– По спроведувањето на постапката со објавување оглас за доделување договор за јавна набавка, изборот на најповолен понудувач и склучувањето на договорот помеѓу општина Неготино и фирмата изведувач на работите „Градба промет”, извршен е вовед во работа за изградба на патен правец Горни Дисан-Вешје во должина од 787 метри, соопшти Делков.
Вкупната вредност на проектот изнесува 22.421.888 денари.
– Изведувачот на работите е должен да отпочне со извршувањето на работите во предходно определен рок, по издавањето на писмен налог од овластено лице од општина Неготино и има обврска работите да ги заврши во рок од 150 дена, појасни градоначалникот.
За надзор на овој проект е одредена фирмата „МГ ПРОЕКТ” ДООЕЛ – Скопје, согласно годишниот договор за вршење на надзор при изведба на инвестицииски објекти и други градежни активности.