Премиерот Зоран Заев на својот Фејсбук профил реагираше во врска со реакциите од јавноста на неговото интервју во врска со преговорите со Бугарија, повикувајќи ги граѓаните да престанат со ширење на омраза.

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи. Јас работам на доближување на ставовите околу разликите и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!“, пишува премиерот Зоран Заев на Фејсбук.