Раководството на англискиот фудбалски клуб Арсенал продолжува да го поддржува менаџерот Микел Артета и покрај елиминацијата во четвртфиналето од Саутемптон во ФА купот, објавуваат англиските медиуми.

Лондончани беа елиминирани по поразот од 2:1 против Саутемптон, а пред паузата за меѓународни натпревари загубија и во финалето на Лига купот со 2:0 од Манчестер сити.

Иако поразот беше оценет како неприфатливо разочарување, раководството на клубот не ја гледа ситуацијата како причина за брза тренерска реконструкција. Според шефовите на „топџиите“, шпанскиот специјалист останува вистинскиот избор за долгорочен развој на тимот и за продолжување на проектот што го започна.

Сепак, иднината на Артета ќе биде поврзана со перформансите на тимот до крајот на сезоната, бидејќи клубот инсистира дека екипата мора да почне да освојува трофеи. Арсенал моментно е на врвот на табелата во Премиер лигата, девет бода пред Манчестер сити, и е во четвртфиналето на Лигата на шампионите, каде што ќе се соочи со Спортинг Лисабон.

Извештајот завршува со наведување дека доколку Арсенал не успее да ја освои Премиер лигата или Лигата на шампионите оваа сезона, ова би можела да биде последната сезона на Артета во клубот.

🚨💣 𝐄𝐗𝐂𝐋𝐔𝐒𝐈𝐕𝐄: There is growing frustration within Arsenal following their FA Cup exit to Southampton… They consider it unacceptable to be knocked out by a club from the EFL Championship.

Arsenal believe it has shown a lot of patience with Mikel Arteta and still sees… pic.twitter.com/d8Bkx0HmXN

— The Touchline | 𝐓 (@TouchlineX) April 5, 2026