Вучиќ за литиумот: Направена е грешка, странските служби најдоа луѓе да го запрат растот на Србија

Александар Вучиќ
Александар Вучиќ / EPA-EFE/STEPHANIE LECOCQ

Претседателот на Србија, Александар Вучиќ, гостувајќи во утринската програма на ТВ Пинк, зборуваше и за литиумот, при што рече дека се уште тврди дека е направена грешка што се прекинати сите активности со литиумот и за тоа ги обвини странските служби кои нашле луѓе да го запрат напредокот на Србија, јави дописникот на МИА од Белград.

-Мислеа дека сум луд затоа што само јас зборував за литиумот. Сето тоа можевме да го направиме по највисоки светски стандарди и да ни процвета тој дел од Србија. А зошто не го направивме тоа, бидејќи странските служби тука најдоа луѓе кои ќе го запрат развојот на Србија, изјави Вучиќ.

-Ќе имавме три до четири проценти поголем раст на годишно ниво. За десет години ќе стигневме до средно развиена европска земја. Србија се уште е економски најдобрата земја во регионот и ќе бевме уште подобри. Јасно ми е зошто го направија тоа странците. Тие сакаат дисбаланс, Србија да не може да оди погоре, туку да мораат да ја контролираат. Затоа го направија тоа со литиумот и ја забавија нашата држава. Утре владата да донесе друга одлука, а нема, изгубивме пет години. Имаме литиум, имаме молибден кој е неопходен за оружје. Имаме и калцит, карбонат како и да му е името. Богати сме ама не можеме да го користиме тоа, бидејќи рударството како гранка кај нас не постои, рече Вучиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот