Вучиќ: Високо политизирана резолуција за Сребреница, ги повикувам сите земји да не гласаат
![](https://www.slobodenpecat.mk/wp-content/uploads/2024/05/vucic-1.jpg)
Српскиот претседател Александар Вучиќ денеска на Генералното собрание на ОН, каде се гласа за резолуцијата за Сребреница, порача дека станува збор за високо политизирана резолуција и ги повика сите земји членки да не гласаат.
„Зошто ги повикувам сите во оваа сала да гласаат против резолуцијата – ова е многу политизирана резолуција и би сакал да поставам три прашања на кои не слушнавме соодветни одговори од главните автори на оваа резолуција, од Германија“, рече Вучиќ.
Тој праша зошто се усвојува оваа резолуција.
Генералното собрание на Обединетите денеска гласа за резолуцијата со која ќе се одреди „Меѓународен ден на сеќавање и комеморација на геноцидот во Сребреница“.
Спонзорирана од Германија и Руанда, резолуцијата има за цел да создаде предлог за воведување Меѓународен ден на сеќавање на геноцидот во Сребреница и повикува на безрезервно осудување на секое негирање на геноцидот во Сребреница и повикување на членките на ОН да ги зачуваат утврдените факти за настаните околу масакр на повеќе од 8.000 мажи и момчиња, босански муслимани, во јули 1995 година во и околу Сребреница.