Загрижувачки раст на корисници на дрога во Албанија

Албанија нема официјални податоци за корисници на дрога, но експертите тврдат дека потрошувачката на наркотични супстанции достигнала застрашувачки размери, објави Топ чанел.

Се проценува дека има околу 70.000 корисници, но бројките се поголеми. Уште позагрижувачка е употребата на наркотични супстанции, класични форми на канабис, но и нови дроги од страна на тинејџери и ученици, момчиња и девојчиња.

– Мозокот на адолесцентите се развива а супстанциите предизвикуваат да немаат сеќавања, мисли надвор од реалноста, халуцинации. Причинетата штета не се лекува, истакна доктор Андија Мекси.

Тој додаде дека е зголемен бројот на 15-годишници и 17-годишници кои се јавуваат на психијатрија со симптоми на анксиозност или мисли надвор од реалноста.

Експертите ги советува родителите да внимаваат кога ќе забележат промени во однесувањето кај нивните деца.

– Тинејџерите и учениците се мета на продавачи на дрога, кои секогаш се наоѓаат во близина на училиштата, бидејќи од љубопитност на млада возраст тинејџерот подоцна се претвора во сигурен купувач, нагласи Мекси.

Поради загрижувачка појава на присуство на продавачи на дрога во близина на училиштата и кафулиња, албанската полиција воведе редовно присуство на полициски патроли кај овие објекти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот