Вучиќ на трилатералниот самит во Виена, вечерта во Белград кај Рама
Српскиот претседател Александар Вучиќ денеска во Виена ќе учествува на трилатералниот самит на Србија, Австрија и Унгарија, а вечер во Белград ќе се сретне со албанскиот премиер Еди Рама, јавува РТС.
Претседателот Вучиќ е во еднодневна посета на Виена, каде што ќе учествува на трилатерален самит со сојузниот канцелар на Република Австрија, Карл Нехамер и премиерот на Унгарија, Виктор Орбан. Вучиќ синоќа на Инстаграм напиша дека ќе има многу значајни средби во главниот град на Австрија, на кои ќе присуствуваат и министерот за полиција Братислав Гашиќ, министерот за надворешни работи Ивица Дачиќ и неговата екселенција амбасадорот Небојша Родиќ.
Потоа, Вучиќ во 19 часот и 30 минути во вилата „Мир“ ќе се сретне со албанскиот премиер Еди Рам, кој вчера беше во Приштина. По средбата меѓу Вучиќ и Рама, предвидено е двајцата државници да се обратат пред медиумите.
Рама вчера во Косово се сретна со претседателката Вјоса Османи и со претседателот на косовското Собрание Гљаук Коњуфч, но не и со премиерот Албин Курти.