Вучиќ ѝ даде 50 дена на Русија да најде нов газда на НИС
Српскиот претседател Александар Вучиќ посочои дека доколку Русија не најде нов сопственик на нафтената компанија, Србија по истекот на рокот ќе воведе своја управа во НИС и ќе им понуди на Русите највисока можна цена за компанијата.
Претседателот на Србија, Александар Вучиќ, изјави дека Владата на Србија на вчерашната седница едногласно го усвоила неговиот предлог да ѝ даде рок од 50 дена на руската страна да најде нов сопственик за Нафтената индустрија на Србија (НИС), објави „Н1“.
Препорачано
Доколку тоа не се случи, Србија по истекот на рокот ќе воведе своја управа во НИС и ќе им понуди на Русите највисока можна цена за компанијата.
Инаку, според српскиот економски експерт Владан Павловиќ, руските сопственици воопшто немаат намера да ја продадат НИС бидејќи никогаш не ја продале, а веројатно „повторно ќе ја дознаеме оваа стара вест оваа недела“.
Рускиот претседател Владимир Путин има на располагање низа мерки со кои, ако сака и ако процени дека му е во интерес, може економски и политички да влијае врз случувањата во Србија доколку не му се допадне решението што Србија ќе го избере за проблемот со Нафтената индустрија на Србија (НИС) поради американските санкции, сметаат некои експерти.
Претходно САД побараа од српската влада бара руското сопствеништво целосно да излезе од компанијата.
По неколку одложувања, американските рестрикции кон НИС стапија во сила минатиот месец.
НИС претставува еден од клучните столбови за функционирањето на целокупната српска економија.
