Второ МВП признание за Бугаринот: Саша Везенков е најдобар играч во Евролигата
Кошаркарската Евролига го прогласи Саша Везенков (30) од редовите на Олимпијакос за најкорисен играч (МВП) на сезоната.
Препорачано
Ова е второ МВП признание за бугарскиот интернационалец, по онаа во 2023 година, кога исто така го носеше дресот на грчкиот клуб.
Крилниот центар имаше просек од 19,4 поени, 6,6 скока и 1,2 асистенции во 34 одиграни натпревари во текот на регуларниот дел од сезоната. Играше во просек 28 минути по меч.
Везенков го предводеше Олимпијакос до првото место на табелата со биланс 26-12, а сега се соочува со својот најголем предизвик во сезоната и обидот да ја освои Евролигата за прв пат и да му донесе на клубот од Пиреја трофеј што го чека од 2013 година.
Олимпијакос ќе се сретне со Монако во четвртфиналето од плејофот и ќе има предност на домашен терен во серија што ќе се игра до три победи.
Доколку се пласираат на Фајналфорот во Атина, Олимпијакос ќе се соочи со победникот од серијата Фенербахче-Жалгирис во полуфиналето.
⭐️⭐️ Sasha Vezenkov is your 2025–26 EuroLeague MVP
The @Olympiacos_BC forward becomes the first two-time MVP since Anthony Parker (2005–06)
Etching his legacy higher with every season 👏
Brought to you by @Moto pic.twitter.com/ClOZeB2wAd
— EuroLeague (@EuroLeague) April 26, 2026
