РК Еурофарм Пелистер 2 ја освежи голманската позиција со нови двајца чувари на мрежата за следната сезона, тоа се Мартин Јовановски и Василије Печурица.

28-годишниот Јовановски е производ на познатата битолска школа на голмани кој се враќа во матичниот клуб од германскиот Дансенберг, а претходно настапуваше за Струга, Охрид и алжирски Петролиер. Maртин Јовановски се обврза на договор на две години.

Василије Печурица е 18-годишен младински репрезентативец на Црна Гора  во Битола доаѓа од Струга, а претходно настапуваше и за Будуќност. Печурица стави потпис на четиригодишен договор со битолскиот суперлигаш.

Двајцата ракометари ќе пристигнат на подготовките за новата сезона на 20 јули, а потоа и официјално ќе бидат претставени пред медиуми.

Покрај овие две нови имиња, од следната сезона Еурофарм Пелистер 2 ќе биде посилен и за средниот бек Мартин Ивановски, кој доаѓа од Охрид.