Врховниот суд на САД го поддржа Гугл во судскиот спор против Оракл
Врховниот суд на САД пресуди во корист на технолошкиот гигант Гугл во спорот за авторските права со Оракл во вредност од осум милијарди долари околу создавањето на оперативниот систем Андроид што се користи во повеќето паметни телефони ширум светот, јави Си Би Ес Њуз.
За да создаде Андроид, кој беше објавен во 2017 година, Гугл напиша милиони редови за да создаде нов компјутерски код. Но, исто така беа користени 11.330 линии на код и организација што е дел од платформата Јава на Оракл.
Гугл наведува дека она што го направија е одамна вообичаена практика во овој сектор, практика која е добра за технолошкиот напредок. Компанијата потенцира дека не постои заштита на авторските права за чисто функционален, некреативен компјутерски код, нешто што не може да се напише поинаку. Но, Оракл се жали дека Гугл извршил „невиден чин на плагијат”.
Шестмина наспроти двајца судии застанаа на страната на Гугл според нивното мислење на 62 страници. Повеќето судии сметаат дека компанијата не го прекршила законот за авторско право.
Судската постапка е стара една деценија.
Microsoft, IBM и други компании во овој сектор го поддржаа Гугл. Motion Picture Association и Recording Industry Association of America го поддржаа Оракл.