Јавното претпријатие „Македонија пат“ информира за намалена видливост и потенцијални опасности на одредени патни правци.

Намалена видливост од 50 до 150 метри има поради магла во регионите на Кичево и Ботун.

„Можна е појава на поситни одрони на одредени патни правци кои минуваат низ усеци и клисури. Екипите на претпријатието редовно ги чистат овие делници. Сообраќајот на државните патишта се одвива непречено, по претежно суви коловози“ соопштија од претпријатието.

ЈП „Македонија пат“ апелира до сите учесници во сообраќајот: Внимателно управување со возилата, почитување на поставената сообраќајна сигнализација, како и прилагодување на брзината кон моменталните услови на патот.

Оттаму додаваат дека нивните дежурни екипи се постојано на терен и ги одржуваат сите патни правци проодни.