„Воени лобисти“ ги минирале напорите на Турција за мир во Украина, вели Ердоган
Иницијативите за решавање на конфликтот меѓу Русија и Украина, вклучително и договорот за жито, претставени од Турција во Истанбул лани, наишле на противење од „лобистите за продолжување на конфликтот“, изјави денеска турскиот претседател Реџеп Таип Ердоган.
„Договорите за жито, размена на затвореници и други дипломатски напори кои започнаа со процесот во Истанбул, за жал, наидоа на противење на воените лобисти. Со ова лобирање се соочи и Турција. Ако истанбулските иницијативи беа прифатени како начин да се стави крај на конфликтот, немаше да има толку многу загуби и солзи“, рече тој.
Ердоган вели дека страните заинтересирани за продолжување на непријателствата вршат притисок врз Турција. Станавме цел на воени лобисти поради нашата избалансирана политика. Бевме под многу поголем притисок од оние на кои тоа не им се допадна. Како и секогаш, опозицијата ја користеа како лост за притисок, рече турскиот претседател.
Тој додаде дека и покрај ова, Анкара ќе продолжи со напорите и дијалогот со Москва и Киев.