Како дел од олеснувањето на мерките во Англија од 17 мај, уште од претходно беше објавено дека на навивачите ќе им биде дозволено да доаѓаат на стадионите во последните две кола од Премиер лигата.

Како што беше планирано, до 10.000 навивачи ќе можат да ги следат натпреварите од последните две кола во Премиер лигата, во зависност од капацитетот на стадионот.

Првичниот договор беше да не се дозволува доаѓање на навивачи на гости, но медиумите во Англија во петокот напишаа дека извршниот директор на Премиер лигата, Ричард Мастерс, ќе им предложи на клубовите мала промена на овој договор.

Идејата на Мастерс е да дозволи пристигнување до 500 навивачи на гости во завршницата од сезоната. Мастерс им пиша на сите клубови да ги известат за промената и да го слушнат нивниот одговор.

BREAKING: Premier League expects 500 away fans to return for the last two games of the season https://t.co/7bTvdTpEVw pic.twitter.com/olntXOtpxV

— MailOnline Sport (@MailSport) April 30, 2021

– Владата нè извести дека, во согласност со новото олеснување на ковид мерките, планира да го смени правилото за забрана за доаѓање на навивачи на гости на стадионите за последните натпревари од сезоната. Враќањето на навивачите и конечно полните стадиони се секако наша цел и затоа сметаме дека би било добро да ја прифатиме можноста да им дозволиме на гостинските навивачи да дојдат колку што е тоа можно.

Во согласност со тоа, ние предлагаме да се издвојат пет проценти од дозволениот капацитет за гостински навивачи, а максимум 500 места за натпревари во 37 и 38 коло од Премиер лигата, притоа почитувајќи го ограничувањето на цената од 30 фунти – напиша Мастерс.

Финалето во Купот на Италија со навивачи на трибините