15-годишното момче кое вчера било прободено со нож од негов врсник во училиште во скопската населба Ченто е во критична состојба на скопските клиники. Директорот на Ургентниот центар, д-р Игор Мерџаноски, за „Вечер“ потврдува дека детето е оперирано и дека состојбата е сериозна.

Претходно, полицијата информираше дека е уапсен 15-годишен насилник, кој вчера влегол во основното училиште „25 Мај“ во Ченто и го нападнал врсникот, задавајќи му неколку убоди со остар предмет.

„На 11.5.2026 во 14:50 часот, во Скопје, полициски службеници од СВР Скопје лишија од слобода 15-годишник од Скопје, постапувајќи по претходна пријава од општинско основно училиште на подрачјето на Гази Баба, дека пријавениот влегол во училиштето и со остар предмет му нанел тешки телесни повреди на 15-годишен ученик во училиштето. Предметот е одземен и по целосно документирање на случајот, ќе следува соодветна пријава“, соопштија од МВР.

15-годишен насилник влегол во училиште во Ченто и со нож избол врсник