Во Хонгконг забранети комеморации за загинатите на Тјенанмен

epa08413119 Police cordons off an area at the start of a pro-independence march in Hong Kong, China, 10 May 2020. A heavy police presence in Tsim Sha Tsui thwarted plans for a pro-independence march, but several ?sing with you? protests popped up at several malls across Hong Kong. EPA-EFE/JEROME FAVRE

Демонстрациите во Тјананмен беа задушени со сила, точниот број на загинати се уште не е познат.

Првпат во три децении, полицијата во Хонгконг забрани комеморативен собир во спомен на загинатите за време на антирежимските демонстрации на плоштадот Тјананмен во Пекинг во 1989 година, а одлуката беше објаснета со опасноста од ширење на коронавирусот.

Хонгконг и Макао се единствените делови на кинеската територија каде се одржуваат вакви комеморации, а сега има стравувања дека ќе ги нема и во Хонгконг во наредните години, бидејќи кинеските власти имаат намера да донесат закон со кој се криминализира какво било нарушување на авторитетот на Пекинг, наведува Би Би Си.

На копнениот дел на Кина, забрането е и индиректно да се спомене она што се случи во Пекинг на 4 јуни 1989 година, кога, по неколкунеделни масовни протести, демонстрациите во Тјананмен беа задушени со сила.

Проценките за бројот на мртвите се движат од неколку стотици до неколку илјади, а кинеските власти никогаш официјално не објавија колку лица го загубиле животот во тоа време, потсетува Би Би Си. 

Видео на денот