Француско-норвешки археолошки тим откри нови христијански урнатини во пустина во западниот дел на Египет, со што се потврдува дека постоел монашки живот во регионот во петтиот век од нашата ера, соопшти египетското министерство за антиквитети.

„Француско-норвешката мисија за време на своето трето ископување на локалитетот Тал Гануб Каср ал-Aгуз во оазата Бахарија откри неколку градби направени од базалт и од тули од кал“, се вели во соопштението до јавноста.

A French-Norwegian archaeological mission at the Bahariya Oasis, just south of Qasr al-Aguz, has uncovered a lost settlement made of mud bricks and basalt hidden beneath the sand. The site includes an ancient church with Greek letters on the walls. https://t.co/zbfWvIG5uT pic.twitter.com/rfg5i6nrNs

— CairoScene (@CairoScene) March 13, 2021

Комплексот е составен од „шест сектори кои содржат уртанити на три цркви и монашки ќелии на чии ѕидови има графити и симболи со коптски конотации“, рече Осама Талаат, шефот на одделот за исламски, коптски и еврејски антиквитети во министерството.

Шефот на мисијата Виктор Гика изјави дека биле откриени во 2020 година.

Ѕидовите на црквата биле украсени со „верски натписи“ и библиски пасуси на грчки јазик, откривајќи ја „природата на монашкиот живот во регионот“, вели Гика, потврдувајќи дека тоа јасно покажува дека монасите биле присутни во тој регион од петтиот век од нашата ера.