Поранешниот долгогодишен пратеник во Собранието (2006-2020) и функционер на ВМРО-ДПМНЕ, Влатко Ѓорчев, на Фејсбук напиша објава во која се осврнува на веста дека Македонија, поради енергетската и економската криза, нема да испрати претставник на натпреварот за Песна на Евровизија следната година.

„Со ВМРО имаше Евровизија. ?? Сега нема леб, струја, масло… Толку е постот“, напиша Ѓорчев.

Инаку, Ѓорчев лани во ноември преку социјалните мрежи објави дека се повлекува од политиката и преминува да работи во „реалниот сектор“. Медиумите подоцна пишуваа дека тој отворил фирма за маркетинг и трговија, но Ѓорчев сепак не се повлече од политиката и беше активен летово за време на вонредните локални избори во Тетово, а минатиот месец замина и во посета на САД, каде се сретна со бивши европски политичари.