Владимир Егоров најдобар на меѓународниот турнир во борење „Македонски бисер“
Владимир Егоров го освои 47 Македонски бисер, меѓународен турнир во борење кој се одржа во Штип.
За најдобар домашен борач е прогласен Фати Вејсели, а признание за најдобар странски борач доби Рамазан Рамзанов од Бугарија.
Во категоријата 61 килограм во македонскиот дуел Егоров триумфираше против Бесир Алили.
Од нашите натпреварувачи, златен медал освоија и Фати Вејсели (70 кг.), Расул Шапиев (79 кг.) и Реџеп Хајдари (92 кг.), сребро Аид Салихаси (57 кг.), Мухамед Феруки (65 кг.) и Столе Ефтимов (97 кг.), а бронза Дејан Митров (79 кг.) и Увеја Фејзулаху (125 кг.)
На овој турнир учествуваа 52 борачи од 14 држави: Албанија, Бугарија, Хрватска, Србија, Косово, Грција, Молдавија, Литванија, Шпанија, Кипар, Англија, Романија, Израел и Македонија со две селекции А и Б.