Владата 100 процентно ќе ги субвенционира придонесите на медиумските работници за јуни, јули и август
Управата за јави приходи информира дека објавено е барањето за субвенционирање на исплата на придонеси од задолжително социјално осигурување за медиуми.
Согласно Уредбата со Законска сила за субвенционирање на износ за исплата на придонеси од задолжително социјално осигурување за вработени во медиуми, работодавач-медиум може да ја користи мерката субвенционирање на исплата на придонеси од задолжително социјално осигурување за вработените во медиумите кои работеле и известувале за надминување на состојбата со COVID -19 за времетраење на вонредната состојба, за месеците јуни , јули и август 2020, соопштуваат од УЈП.
Од таму преку соопштение до медиумите појаснуваат дека работодавачот – медиум барањето го поднесува до Управата за јавни приходи преку системот е-Даноци, при што Управата за јавни приходи, во рок од 5 дена од денот на доставувањето , ја потврдува комплетноста на барањето.
– На работодавачот – медиум за секој осигуреник за месец јуни, јули и август 2020 година му се субвенционира 100% од износот за исплата на придонеси од задолжително социјално осигурување, се вели во соопштението од УЈП.
Начинот на пополнување на Барањето за субвенционирање на износ за исплата на придонеси од задолжително социјално осигурување за вработени во медиуми – образец БС-ПЗСОМ е составен дел на барањето, односно е појаснет во Упатството за пополнување.