ВИДЕО+ФОТО | Ева Мендес призна дека со години го бричи лицето: „Многу сум влакнеста“
Актерката Ева Мендес не се плаши да ја покаже реалната слика за несаканите влакна и призна дека со години го бричи своето лице.
Имено, на својот Инстаграм профил таа објави фотографии и видео во кои го прикажува нејзиното позитивно искуство со дермапланинг, техника со која се бричат влакната на лицето.
Актерката откри дека со години го бричи лицето на козметичар, со што нејзиното лице е почисто и помеко.
„Го бричам моето лице. Добив многу коментари од жени кои го бричат своето лице со години. Претпоставувам „дермапланинг“е соодветниот збор за овој третман, но работите се такви, какви што се и јас го сакам ова што го правам“, напиша актерката на Инстаграм.
Таа по објавените фотографии, беше прашања од љубопитните обожавателки за искуството со оваа техника и колку редовно ја практикува.
„Јас сум како животно, па веројатно би требала да се бричам секој втор ден. Влакнеста сум. Мојот татко е влакнест Кубанец, а јас сум негова мини верзија“, напиша Мендес.
Инаку, Мендес редовно споделува интимни моменти од животот со своите следбеници на Инстаграм, каде може да ги видат нејзините третмани за убавина и секојдневните модни комбинации.