ВИДЕО | „Живееме како никогаш да не сме биле разделени“: Ѓоко Танески за родената сестра која ја пронашол по 45 години
![](https://www.slobodenpecat.mk/wp-content/uploads/2024/02/FotoJet-2024-02-21T180436.987.jpg)
Македонскиот пејач Ѓоко Танески неодамна гостуваше во емисијата „Нешто конкретно“, кај водителката Снеже Велков. Меѓу другото, пејачот проговори за емотивната ситуација во неговото семејство, односно дека ја пронашол неговата родена сестра по 45 години, за која долги години не знаел дека постои.
„Ја пронајде сестра ти после многу години…“, го започна разговорот водителката.
„После 45 години…Родена сестра од мајка и татко“, одговори пејачот.
Водителката потоа го праша дали знаел дека таа постои.
„Некое време не знаев. Отпосле дознав. Првично не можевме да ја најдеме, па ја најдовме…Сега живееме како никогаш да не сме биле разделени“, објасни Ѓоко.
На прашањето на Снеже што му променило тоа во животот, тој одговори:
„Сега дознав дека фамилијата ми е најважна. Дознав колку е важно да имаш некого за кого ќе се бориш. Сега имам уште еден член за кого сакам да се борам. И не само сестра, туку имам и внуци. Не знам, се збогативме…“, заклучи пејачот.