ВИДЕО: Волеј-гол на Ван де Бек за победа на Манчестер јунајтед против Лион
Манчестер јунајтед во подготовките за новата сезона триумфираше минимално во контролениот меч против Лион со 1:0.
Стрелец на единствениот гол за „црвените ѓаволи“ во Единбург беше Ван де Бек во 49 минута од натпреварот.
Со еден убав волеј играчот на Јунајтед ја испрати топката во мрежата на францускиот клуб.
Менаџерот на премиерлигашката екипа, Ерик Тен Хаг се одлучи да им даде шанса на младинците во овој пријателски дуел, а од поискусните тука беа само капитенот Фред и стрелецот Дони Ван де Бек.
Следниот тест Манчестер јунајтед ќе го има на 22 јули против Арсенал, додека Лион следниот ден закажа контролен меч со белгискиот РВДМ.
GOALLL!!! ⚽️@Donny_Beek6 opens the scoring with a sweet volley 🍬#MUFC
— Manchester United (@ManUtd) July 19, 2023