Денеска во рамките од 35 коло во најдобрата шпанска фудбалска лига, екипата на Валенсија на гости со 1:0 славеше против Атлетик Билбао.

Стрелец на единствениот гол беше Садик во 72 минута од натпреварот на стадионот „Сан Мамеш“.

Значаен придонес во освојувањето на трите бода имаше и македонскиот репрезентативен голман Столе Димитриевски кој имаше фантастична одбрана и истата можете да ја погледнете на видео записот ТУКА

Победата на Валенсија можеше да биде уште поголема доколку Дуро во 27 минута беше прецизен од белата точка.

Валенсија е моментно на 12 позиција со 42 бодови и со овој триумф направи уште еден важен чекор кон обезбедување опстанок во Ла Лига. Атлетик Билбао се наоѓа на деветтото место со 44 бодови.

Во следното коло Валенсија на 14 мај ќе го пречека Рајо Ваљекано, поранешниот клуб на нашиот чувар на мрежата Димитриевски.