Се појави видео од ужасна сообраќајна несреќа што се случила минатата недела на улица во Љубљана. Сцената снимена од безбедносна камера изгледа стравично – на неа се гледа автомобилот како со голема брзина го преминува тротоарот и удира во друго возило кое стои на семафор на крстосницата. Поради силата на ударот, двете возила завршиле на покривите.

Според 24ur, несреќата ја предизвикал минатата среда возач (18) кој бегал од полицијата на обиколницата на Љубљана, а потоа се судрил со друг автомобил.

Возачите на двата автомобила и уште еден патник се повредени, а виновникот, како што може да се види на видеото, излегол од автомобилот и продолжил да бега.

Полицијата подоцна го пронашла 18-годишникот, а во текот на постапката е утврдено дека нема важечка возачка дозвола и дека при бегството фрлил торба и чорап во кои имало речиси 60 пакетчиња кокаин и хероин.

Кај осомничениот се пронајдени повеќе од 3.000 евра, а неговото лично возило е конфискувано.

Надлежниот суд издаде налог за претрес на возилото и живеалиштето на уапсеното лице, а таму беа пронајдени пакети со хероин и канабис и прибор за нелегална трговија со дрога, пишува 24ur.

Nesreča in pobeg z nesreče (Šmartinka).. pic.twitter.com/s81sqcirxe

— Mati Tereza (@mati_tereza) November 30, 2025