Руските ракети Искандер, лансирани се денеска од територијата на Белорусија кон Украина околу 17 часот и го погодија аеродромот во Житомир, изјави Антон Херашченко, советник на министерот за внатрешни работи на Украина.

Според договореното украинските и руските официјални лица треба да се состанат поради разгoвори на засега непозната локација на белоруската граница со Украина, соопштија денеска од кабинетот на пратседателот на Украина Володимир Зеленски, пренесува Ројтерс.

Но, рускиот ракетен систем „Искандер“ има досег од над 500 километри и се наменети за уништување на противничките аеродроми, авиони, радари и командни центри.

На ова преку Твитер укажа Франак Виачорка, белоруски новинар кој предупреди дека веќе се лансирани кон Украина руските „Искандери“ и тоа од белоруска територија.

-Лукашенко вети дека ќе прекине со огнот во текот на преговарачкиот период. Тој или лажеше или не ја контролира повеќе ситуацијата, нагалсува Виачорка.

Russian "Iskanders" were launched to Ukraine from the Belarusian territory. Lukashenka promised to seize fire during the negotiation period. He either lied or is not in control of the situation anymore. pic.twitter.com/Zh9R5LNXnV

— Franak Viačorka (@franakviacorka) February 27, 2022