Светското фудбалско првенство година донесе не само изненадувања на теренот, туку и голем број на заминувања на селекторите. По елиминацијата на Сенегал, и Папе Тиав остана без ангажман, па бројот на селектори кои одлучија да ги напуштат националните тимови за време или веднаш по Мундијалот се зголеми на дури 13.

Сенегалската фудбалска федерација потврди дека ја прекинала соработката со 45-годишниот Тиав и неговите помошници по поразот од Белгија (3:2) во осминафиналето. Начинот на кој беше елиминирана африканската репрезентација беше особено болен. Сенегал имаше предност од 2:0, но не успеа истата да ја задржи, откако Белгијците направија целосен пресврт.

Елиминацијата предизвика големо незадоволство во земјата, а некои репрезентативци јавно го критикуваа стручниот штаб. Меѓу нив беше и играчот од средниот ред на Виљареал, Папе Геј, кој објави дека ќе направи пауза од играњето за репрезентацијата додека не се промени ситуацијата.

🇸🇳 Pape Thiaw remercié : les raisons d’une rupture inévitable

Après une CAN remportée, une qualification pour la Coupe du monde et un Mondial marqué par les tensions et les désillusions, la Fédération sénégalaise de football a décidé de mettre fin à l'aventure du sélectionneur…

— Sport News Africa (@snewsafrica) July 12, 2026

Серијата на заминувања на селекторите започна со Сабри Ламуши, кој беше отпуштен по првото коло од групната фаза, по убедливиот пораз на Тунис од Шведска (5:1).

Мирослав Кубек (Чешка), Стив Кларк (Шкотска), Хонг Мјунг-бо (Јужна Кореја) и Марсело Биелса (Уругвај) исто така си заминаа по групната фаза.

По елиминацијата во осминафиналето, Себастијан Бекасече (Еквадор), Роналд Куман (Холандија), Јулијан Нагелсман (Германија), Златко Далиќ (Хрватска) и сега Папе Тијав (Сенегал) останаа без работа.

Хавиер Агире ја напушти клупата на Мексико по елиминацијата во осминафиналето, како и Карлос Кеирош (Гана) и Роберто Мартинез (Португалија).