По драматичните четвртфинални натпревари на Светското фудбалско првенство, во игра остануваат само четири репрезентации во трката за титулата.

Последниот африкански претставник Мароко беше елиминиран од Франција, Белгија беше елиминирана од Шпанија, Норвешка со Ерлинг Халанд загуби од Англија, а Аргентина мораше да игра продолженија за да ја победи Швајцарија.

Во пресрет на претстојните полуфиналиња, суперкомпјутерот на статистичката платформа Опта ги пресмета најверојатните сценарија за последната недела од Мундијалот.

Според математичкиот модел, Франција има најголеми шанси да стигне до финалниот натпревар во Њујорк следната недела. Французите имаат 57,70% шанси да ја победат Шпанија.

#fifa #fifaworldcupfinal

Opta Analyst’s supercomputer has predicted the teams most likely to reach the FIFA World Cup 2026 final. France have a 57.70% chance of winning their semi-final against Spain, whose chances stand at 42.30%. pic.twitter.com/JQT3WknZ04

— News and Updates (@News_24Updates) July 12, 2026

Во второто полуфинале, Англија, предводена од Томас Тухел, има минимална предност во дуелот со актуелниот светски шампион Аргентина. Шансите таму се исклучително изедначени – 50,9% за Англичаните наспроти 49,6% за Аргентинците, што ветува исклучително интересен натпревар. Шпанците се сметаат за тим со најмали шанси да стигнат до финалето од преостанатите четири, но сепак имаат сериозни 42,30% шанси да ја елиминираат Франција.

Суперкомпјутерот останува категоричен во своето предвидување и ја гледа Франција како главен фаворит за титулата на стадионот „МетЛајф“. По победата од 2:0 над Мароко, шансите на избраниците на селекторот Дидие Дешан скокнаа од 26,91% на 34,05%.

Шпанија е вториот најверојатен победник на Светското првенство, што покажува дека, според „Опта“, победникот од првото полуфинале има огромна предност за трофејот. Англија е трета во предвидувањата, а Аргентина, и покрај тоа што го започна турнирот како лидер на светската ранг-листа на ФИФА, е оставена на последното место меѓу првите четири.