Украинскиот претседател Володимир Зеленски преку видео порака предупреди дека земјата се соочува со еден од најтешките моменти од почетокот на руската инвазија.

Тој истакна дека Киев е под исклучително силен политички и дипломатски притисок од Соединетите Американски Држави и дека во наредните недели ќе мора да донесе исклучително тешки одлуки.

❗️❗️ Zelenskyy has published an address to the Ukrainian people.

“We are now living through one of the most difficult moments in our history. Right now, Ukraine may face a very tough choice: either the loss of dignity, or the risk of losing a key partner. Either a difficult… pic.twitter.com/bfS8U1bLBr

— 🪖MilitaryNewsUA🇺🇦 (@front_ukrainian) November 21, 2025

Зеленски нагласи дека Украина се соочува со „тежок избор“, ризик од губење достоинство или ризик од губење клучен партнер, како и можност за „најсурова зима“ и дополнителни закани.

Тој истакна дека Киев ќе продолжи со конструктивни разговори со САД, нудејќи аргументи и алтернативи, но без да му даде на непријателот причина да тврди дека Украина не е подготвена за мир.

САД се закануваат дека ќе ги прекинат разузнавачките информации и оружјето за да ја принудат Украина да склучи мировен договор

Претседателот повика на единство, прекин на внатрешните конфликти и фокусирање на вистинскиот непријател, потсетувајќи дека Украина не се предала во првите денови од инвазијата и нема да се предаде ни сега.

Според него, следната недела ќе биде особено тешка поради очекуваниот политички и информативен притисок насочен кон дестабилизација на земјата.

Објавен мировниот план на Трамп од 28 точки за окончување на војната во Украина