Американскиот претседател Доналд Трамп и британскиот премиер Кир Стармер изјавија дека го завршиле трговскиот договор постигнат меѓу двата сојузници минатиот месец.
Стоејќи до Стармер на самитот на Групата седум во Канада, Трамп рече дека односот со Велика Британија е „едноставно фантастичен“ додека се поздравуваше држејќи документ за кој рече дека штотуку го потпишал.

– Го потпишавме и готово е – рече тој. Стармер рече дека декларацијата ќе ги спроведе договорите постигнати за царините за автомобили и воздухопловство.

Кога Доналд Трамп ја отвори папката што ги содржеше клучните документи, дувна ветер и паднаа на земја.

Британскиот премиер Кир Стармер веднаш презеде акција наведнувајќи се да ги земе документите.

– Упс, извинете за тоа – рече американскиот претседател.

– Тоа е многу важен документ – забележа Стармер.

Всушност, гафовите не застанаа тука, бидејќи Трамп потоа го помеша Обединетото Кралство со Европската Унија.

Акценти од договорот

САД ќе воведат годишна квота од 100.000 возила увезени од Велика Британија. Тие ќе бидат предмет на царина од 10%.

Двајцата сојузници ветија дека ќе „ги зајакнат синџирите на снабдување со воздухопловство и авиони“ со воведување бесцарински плаќања за одредени воздухопловни производи.

Доколку Велика Британија исполни одредени услови, САД ќе создадат „поповолна квота за челични и алуминиумски производи“ увезени од Велика Британија.

Инаку, Велика Британија е единствената земја ослободена од глобалната царина од 50% за челик што значи дека царината на Велика Британија останува на првичното ниво од 25%.

Се очекуваше дека таа царина ќе биде целосно укината, но владата сега вели дека „ќе продолжи да се движи напред и да постигнува напредок кон 0% царини за основни челични производи, како што е договорено“.

Други клучни делови од договорот вклучуваат квоти за увоз и извоз на говедско месо, а владата сака да нагласи дека „секој увоз од САД ќе мора да ги исполни стандардите за безбедност на храната во Велика Британија“.

Засега нема промена на царините за фармацевтски производи и владата вели дека „ќе продолжи да се работи на заштита на индустријата од какви било понатамошни царини што може да бидат воведени“.