Фудбалерите на Вест хем се последните патници во Чемпионшип за следната сезона, ова е исходот од последното, 38 коло од Премиер лигата.

Вест хем мораше да го победи Лидс во последното коло и да „навива“ за Евертон да го совлада Тотенхем за да остане во елитата, но на крајот не беше остварена целта.

Тотенхем, на кој му беше доволен и бод, славеше со 1:0 на домашен терен против Евертон, а стрелец беше Португалецот Жоао Палиња во 43 минута.

Играчите на Вест хем беа подобри од Лидс со 3:0 пред своите навивачи со погодоците на Валентино Кастеланос, Џарод Бовен и Калум Вилсон и ја завршија сезоната на 18 место со 39 бода, два помалку од Тотенхем.

Заедно со Вест хем, и екипите на Вулверхемптон и Барнли следната година ќе играат во понизок ранг.