ВИДЕО | Тони Михајловски: Пробав да играм претстава пијан, мозокот ми се блокираше
Тони Михајловски и неговиот син кој е исто така познат актер, Александар Михајловски отворија свое актерско школо. За тоа меѓудругото Тони раскажа во емисијата „Еден на Еден“, во новогодишното издание. Но, раскажа и уште приказна од времето кога тој бил студент.
– Еднаш како студент на „Скомрахи“, млад театар, требаше да се игра една вежба, меѓутоа ја откажуваа. Ќе се игра, нема да се игра. И јас се начукав. “Скомрахи“, славење, сите академии од Југославија тука- нема да се игра вежбата. И потоа рекоа дека ќе се игра во 12. Тоа беше „оф програма“. И ајде, ќе се игра во 12. И јас “ќунка“. Излегувам на сцена, ајде ќе пробаме. Првпат во живот пробувам на алкохол. И на сцена кога ќе излезам, како да имам еден огромен увијач. Ај, што ми е бе? И паника една кога ме фати. Научен текст, но ми се блокира мозокот и не можам да изговарм. И после тоа се обидов уште еднаш на проба. Се познава кога си пијан, само ти мислиш дека не се познава. И тоа е убавото“, рече Тони и додаде дека потоа веќе никогаш не бил под дејство на алкохол на сцена.
Целата новогодишна емисија со Тони е достапна на јутјуб каналот на „Еден на Еден“ на овој линк:
(Комерцијален текст)