Болоња во изминатите пет сезони обично ја завршуваше сезоната на средината на табелата во Серија А, но годинава покажува врвни резултати.

Вкупно 22 години италијанскиот фудбалски клуб нема европски настапи, а сега играчите предводени од тренерот Тијаго Мота имаат одлична шанса не само што да се вратат на меѓународната сцена, туку од следната сезона да игра во групите на Лигата на шампионите.

Денеска во рамките од 30 коло во италијанскиот шампионат на домашен терен со 3:0 ја совладаа екипата на Салернитана

.

Головите во победата ги постигнаа Орсолини во 13 и Саелемакерс во 44 и Ликојанис пред самиот финиш на мечот (90+2`).

На табелата моментно е на четвртото место со 57 бодови, два помалку од третопласираниот Јувентус.

Во понеделникот се одиграа уште два натпревари Каљари – Верона и Сасуоло – Удинезе кои завршија со ист резултат 1:1.