ВИДЕО: Судири во Молдавија, припадници на проруската опозиција се степаа со полицијата
Проруски поддржувачи на опозицијата се собраа денеска на уште еден антивладин протест во главниот град на Молдавија, Кишињев, а демонстрантите се судрија со полицијата, јавуваат локалните медиуми.
Препорачано
Илјадници приврзаници на проруската опозиција протестираа против „обидите на Украина да се меша во работите на Молдавија“.
Демонстрантите вееја молдавски знамиња, но на централниот градски плоштад во Кишињев постојано се слушаа извици „Русија, Русија“.
In Moldova's capital, Chisinau, thousands of Moldovans gathered to protest against involvement in Ukraine, chanting "Russia, Russia" pic.twitter.com/HOwQYGGIZY
— John Moran (@RueDaungier) February 28, 2023
На денешните протести, според домашните медиуми, имало луѓе кои воопшто не знаеле романски, што според нив докажува дека станува збор за демонстранти донесени од Русија како дел од „хибридната војна“ на Владимир Путин.
Молдавија е поранешна советска република во која има околу 20% руско население останато од времето на поранешниот Советски Сојуз. Дел од државата претежно населен со Руси, Приднестровието, со години е практично отцепен од Молдавија и фигурира како „сива зона“, иако е непризнаен од ниту една држава, освен од Русија. Рускиот јазик е официјален во Молдавија, заедно со доминантниот романски.
A pro-Russia rally in Chisinau, Moldova. How surprising, a mix of elderly USSR-lovers and dumb people that fall for populism. This is just beyond pathetic. pic.twitter.com/NlEpEH78vC
— NOËL ?? ?? (@NOELreports) February 28, 2023
Судирот меѓу опозицијата и полицијата почна уште утрото на влезот во Кишињев, каде специјалната полиција блокираше автобуси со опозиционери кои во голем број дојдоа на протестот, предизвикувајќи метеж.
The protesters are blocking both lanes of the M2 highway leading to Chisinau according to the police and are blocking emergency vehicleshttps://t.co/SzPonFXp8g pic.twitter.com/vycmi48R7i
— marqs (@MarQs__) February 28, 2023
Од почетокот на војната во Украина, прозападните власти во Молдавија, која граничи со оваа земја, се под постојан страв од можен руски напад и инвазија слична на „специјалната операција“ на Москва во Украина.
Властите денеска соопштија дека двајца осомничени за предизвикување нереди се протерани од државата.
