Верижна сообраќајна несреќа со учество на пет возила се случи вчеравечер на улицата „Ѓорче Петров“ во Скопје, во која едно лице е тешко повредени, а десет лица се здобиле со телесни повреди.

Од Министерството за внатрешни работи информираат дека несреќата била пријавена вчера во 21:20 часот, а во неа учествувале две патнички возила „бмв“, потоа „фолксваген туран“, „фолксваген артеон“ и „мерцедес“, сите со скопски регистарски ознаки.

Како што пренесува Скопје1, во несреќата, тешко повреден е 19-годишниот возач Л.Ј. од село Кондово, кој управувал едно од возилата „бмв“. Со телесни повреди се здобиле и двајца негови сопатници, како и шест лица од другото „бмв“ и 28-годишниот Б.Р. од село Глумово, кој управувал со автомобилот „мерцедес“,

Повредените се пренесени во Ургентниот центар при комплекс клиники „Мајка Тереза“ и во Градската општа болница „8 Септември“, каде им била укажана медицинска помош.

За несреќата е известен јавен обвинител, а увид на местото извршила екипа на СВР Скопје.

 

View this post on Instagram

 

A post shared by Скопје1 / Skopje1.mk (@skopje1mk)