Најтрофејниот српски спортист и еден од најголемите тенисери во историјата, Новак Ѓоковиќ, повторно се најде на мета на провладините медиуми во Србија, откако јавно изрази поддршка за граѓанските и студентските протести против власта на Александар Вучиќ.

Главниот уредник на таблоидот „Информер“, Драган Вучичевиќ, остро го нападна Ѓоковиќ, нарекувајќи го „пропаднат тенисер“, откако Ноле застана во одбрана на мајка која со штрајк со глад бара правда за својот загинат син во Нови Сад.

Ѓоковиќ претходно објави порака во која ја осуди нечовечноста и цинизмот кон жената што ја преживува најголемата болка:

„Болката на мајката не смее да биде предмет на исмејување. Постојат само човечност или нејзино отсуство“, стоеше во објавата на Новак.

PROPALI TENISER ĐOKOVIĆ 🤣🤣🤣 pic.twitter.com/8lRCGLOZac

— Суки (@doktorzakrave) November 7, 2025

Ова не е изолиран напад, туку дел од подолготрајната медиумска кампања против Ѓоковиќ, која, според повеќе набљудувачи, се интензивираше откако тенисерот јавно ја изрази својата поддршка за младите кои протестираат во Белград. Според многумина, токму притиссокот врз Новак е причината поради која тенисерот го пресели турнирот од Белград во Атина каде што и во иднина ќе живее.

Преземено од: Спорт.ком.мк