Најмалку 48 луѓе се спасени од остатоците од воениот транспортен авион со 125 лица во него, кој се урна денеска кратко по полетувањето во југозападна Колумбија, а бројот на жртви сè уште не е утврден, соопштија официјални лица на таа јужноамериканска земја, пренесе Би-би-си.

Министерот за одбрана Педро Санчез објави на социјалната мрежа X дека авионот превезувал војници кога се случила трагичната несреќа во Пуерто Легуизамо, во амазонската покраина Путумајо, која граничи со Перу и Еквадор.

Сликите споделени на интернет од колумбиските медиуми покажаа црн облак од чад што се издига од полето каде што се урна авионот и камион што превезува војници како брза кон местото на несреќата.

Командантот на колумбиските воздухопловни сили, Карлос Фернандо Силва, подоцна објави видео во кое се наведува дека на авионот „Херкулес Ц-130“  имало 125 лица – 114 патници и 11 членови на екипажот.

Силва рече дека најмалку 48 лица се спасени, а спасувачките операции на местото на несреќата сè уште се во тек.

🚨 BREAKING: A Colombian Air Force Hercules transport aircraft has crashed in Puerto Leguízamo, Putumayo, Colombia, shortly after takeoff, with around 100 military personnel reportedly aboard as two full pelotons were being transported. Rescue and emergency operations are… pic.twitter.com/Xu4jzxSBll

— Mossad Commentary (@MOSSADil) March 23, 2026

Колумбиски воен авион со 110 војници се урна при полетување