Министерството за одбрана на Колумбија денеска соопшти дека авион „Херкулес Ц-130“ учествувал во несреќа на југот од земјата, а локалниот „БлуРадио“ објави дека во авионот имало 110 војници, објавија светските медиуми.

Министерот за одбрана Педро Санчез изјави дека несреќата се случила додека авионот полетал од Пуерто Легуисама, длабоко во јужниот амазонски регион на Колумбија на границата со Перу, додека превезувал воени сили.

„Точниот број на жртви и причините за несреќата сè уште не се утврдени“, рече тој.

„БлуРадио“ се повика на властите, според кои во авионот имало 110 војници, а несреќата се случила само три километри од урбаниот центар.

„Локид Мартин“ не одговорил веднаш на барањето на Ројтерс за коментар.

На крајот на февруари, авион „Херкулес Ц-130“ во сопственост на боливиските воздухопловни сили се урна во густо населениот град Ел Алто, за малку промашувајќи станбена зграда. Повеќе од 20 луѓе беа убиени, 30 беа повредени, а банкноти од товарниот простор на авионот беа расфрлани низ градот, што предизвика конфликт меѓу жителите и безбедносните сили.

ВИДЕО | Силна експлозија го стресе Рим, се урнаа три згради