Фотограф објави видео на својот Инстаграм и за кратко време собра два милиони прегледи од рели-трка во Хрватска, но снимката брзо се прошири и предизвика реакции од ФИА и Хјундаи.

Станува збор за Матео Лели, кој искористил шахта покрај патот за да сними што поекстремни сцени од трката.

Неговото видео брзо стана вирално, но истовремено наиде и на остра осуда.

„Ова не треба да се прави ниту на тркачка патека, а камоли на рели-брзински испит. Не доаѓај повеќе на трки“, порачаа од Хјундаи.

Остра реакција стигна и од ФИА.

„Апсолутно нема оправдување за вакво однесување. Кога се доведувате во опасна позиција, не ја ризикувате само сопствената безбедност, туку и безбедноста на екипажот, како и на сите луѓе околу вас. Секогаш останете во зоните предвидени за гледачи и не бидете причина за прекинување на брзинските испити“, порачаа од ФИА.

 

View this post on Instagram

 

A post shared by Matteo Lelli (@shot.by.matte)