Принцот Вилијам и принцезата Кејт отпатувале во Шкотска, каде, како што изгледа, добро се забавувале. Посетиле традиционален паб и пробале да играат карлинг, популарен спорт во Велика Британија.

Членовите на кралското семејство се забавувале играјќи ја традиционалната шкотска игра карлинг и се сретнале со олимпискиот и параолимпискиот тим на Велика Британија пред Зимските олимписки игри, пренесува „Би-би-си“.

Карлингот, во кој играчите лизгаат камења по мразот кон целното поле, е еден од најуспешните зимски спортови за британскиот тим на олимписките и параолимписките игри, со освоени шест олимписки и две параолимписки медали.

Брус Муат, играч во машката екипа на карлинг и еден од членовите на мешаните двојки, изјавил:

„Беше прекрасно, навистина убаво што дојдоа да ни посакаат среќа во следниот месец што треба да го започнеме, двајцата беа прекрасни и спремни да се забавуваат со карлинг“.

Сепак, принцот и принцезата наскоро сфатиле колку овој спорт е предизвикувачки по краткото воведување во фрлањето на каменот. Принцот Вилијам успешно го совладал овој необичен спорт и при тоа се опуштил, а ни принцезата Кејт не била ништо помалку вешта од својот сопруг.