Меланија Трамп повторно е во центарот на вниманието откако нејзиниот сопруг Доналд Трамп победи на претседателските избори во САД. Поранешната манекенка со потекло од Словенија повторно ќе стане прва дама, откако во таа улога се најде за време на мандатот на Трамп од 2016 до 2020 година.

На социјалните мрежи сега се прошири снимка од словенечка реклама од 1993 година, во која Меланија глуми претседателка. На видеото се гледа како излегува од авионот и ја поздравува делегацијата, а потоа во придружба на обезбедувањето влегува во автомобилот и ја поправа шминката, подготвувајќи се за инаугурацијата. На крајот од снимката со широка насмевка на лицето дава заклетва.

„Можеби треба да се кандидира за претседателка“, пишува покрај виралното видео,.

„Не стана претседателка на Словенија, но постигна нешто подобро“, „Вежба од 1993 година“, „Можеш, Меланија“ гласат некои од коментарите.