Италијанскиот тенисер Јаник Синер го совлада Александер Зверев со 2:0 во сетови (6:3, 7:6(4)) и така обезбеди пласман во финалето на мастерс турнирот во Мајами.

Синер ќе важи за голем фаворит во борбата за т.н. „саншајн дабл“, односно освојување на двата престижни турнири по ред, откако претходно триумфираше и на турнирот во Индијан Велс, а ако успее во тоа ќе го повтори успехот на Федерер од 2017 година кога Швајцарецот се радуваше на овие два трофеи.

Jannik Sinner’s reaction after beating Zverev to reach his 4th Miami final

The first man in history to reach 3 or more consecutive Masters 1000 finals without dropping a single set

Tennis is still a very hard sport… he just makes it look easy

🇮🇹🦊
pic.twitter.com/qDOHPE1bhV

— The Tennis Letter (@TheTennisLetter) March 28, 2026

За Синер ова е 11-та победа во низа, а во финалето ќе игра против Чехот Јиржи Лехечка, кој е 22-ри тенисер на светот. Финалето е закажано за утре во 19:30 часот. Лехечка во полуфиналето го победи Французинот Артур Фис во два сета.

Во женска конкуренција, финалето е закажано за вечерва, каде силите ќе ги одмерат Арина Сабаленка и Коко Гоф.