Легендарната актерка Џоан Колинс уште еднаш докажа зошто важи за симбол на вонвременски гламур. На 92-годишна возраст, таа се појави во друштво на својот сопруг Перси Гибсон (61) на хуманитарна гала-вечера во Лондон, организирана за поддршка на децата со тешки заболувања.

Ѕвездата на култната серија „Династија“ воодушеви со својот изглед, избирајќи елегантно бело сатенско палто во стил на смокинг, украсено со роза на реверот. Комбинацијата ја надополни со црни панталони и кошула со кожени детали, додека нејзиниот заштитен знак, волуменозната коса и впечатливиот црвен кармин само го засилија впечатокот дека актерката изгледа многу помладо.

Џоан и Перси, кој е познат холивудски продуцент, изгледаа многу блиски и среќни. Иако разликата во години меѓу нив е 32, актерката често се шегува на таа тема.

Ова појавување доаѓа кратко откако Џоан Колинс јавно изјави дека никогаш не би користела популарни лекови за слабеење како „Оземпик“, нарекувајќи ги нивните ефекти „катастрофални“ за изгледот на луѓето. Таа истакна дека не верува во игли и козметички процедури.

Со својата енергија и изглед, Џоан Колинс продолжува да инспирира, покажувајќи дека годините се само бројка кога се негува класичниот стил и природната убавина.