ВИДЕО: Штипските гитаристи му честитаа роденден на Влатко Стефановски
Нешто повеќе од 50 штипски гитаристи и фанови на Влатко Стефановски на возраст од 7 до 77 год вчера се собраа во Домот на културата „Ацо Шопов“ во Штип. Повод за овој собир беше роденденот на нашиот легендарен гитарист Влатко Стефановски.
Тие со видео порака му го честитаа роденденот со неговата легендарна и безвременска песна „Чукни во дрво“ и со овој чин сакаа да му оддадат почит и благодарност за неговото музичко творештво и да му посакаат здравје, среќа и уште многу музика и концерти.
„Немаме друга таква музичка легенда во нашата земја па и пошироко во регионот којшто оставил таков печат и дострел во музиката како што е Влатко Стефановски“ – изјавија тие.
Среќен роденден Влатко!
Користејќи ја оваа прилика, редакцијата на СЛОБОДЕН ПЕЧАТ му посакува среќен роденден на нашиот врвен уметник Влатко Стефановски, со желби за добро здравје и уште долги години среќа, радост и музика.