ВИДЕО: Шпанската полиција уапси Хрват, член на бандата „Пинк Пантер“
Шпанската полиција денеска објави дека уапсила Хрват, член на бандата „Пинк Пантер“, меѓународна мрежа специјализирана за кражба на накит, која Германија ја бара за кражби вредни повеќе од 700.000 евра.
Предмет на кривично гонење во Германија за насилни кражби во 2015-та и 2016-та година, Хрватот бил уапсен минатиот месец во Барселона, соопшти полицијата, пренесува Хина.
🚩Detenidos en #Barcelona 2 fugitivos reclamados por las autoridades de #Alemania y #Francia
El primero es integrante de la banda Pink Panther, especializada en robos violentos a joyerías
El otro huyó de Francia, donde cumplía condena por un delito de secuestro#SomosTuPolicía pic.twitter.com/R4ddBdVijQ
— Policía Nacional (@policia) October 1, 2021
„Во овие кражби украден е накит во вкупна вредност од 715.000 евра и 1.400 евра готовина“, соопшти полицијата.
Бандата, составена од членови од поранешна Југославија, беше наречена „Пинк Пантер“ од истражителите на Скотланд Јард по кражбата на дијаманти во Лондон во 2003-та година.
Накитот потоа бил скриен во кутија од крема за лице, како во истоимените филмови на Блејк Едвардс.
